您的購物車內沒有商品!
帛金到底應該要封幾多錢,呢個問題你有冇諗過?最近網上有人出文,指公司有員工猝逝之後,佢發現其他部門只係俾咗101蚊嘅帛金,於是大鬧咁樣係「涼薄」、「多年交情假惺惺」,又指「晚餐加支大啤都唔止呢個價」。
而對於呢番言論,網民都有唔同意見。有人認為咁嘅事冇必要放上網「公審」,亦有人指帛金係重心意
而唔係金額;當然另一邊廂都有人認為俾$101確實係太少,亦有人想知其實帛金應該俾幾多先啱。大家眾說紛紜,你又有咩意見?
圖片惹來網民熱議,有網民指「無得咁講,家家有本難唸的經」
「我覺得係心意就夠了,人地都要養頭家,可能未必比(畀)得多」
有人則質疑「連唔係親人做白(帛)金都有standard price(標準價錢)?」
「$21我都見過,心意啫」,有人就指不明白發文者的貼文,是否指
「幾個人夾埋得101(港元)」,亦有人反問發文者自己做了多少帛金,
「呢D(啲)都可以咁比較咩?」
Gogo Row:好恐怖的香港,連帛金都比人批評多/少,咁食解穢酒使唔使食凸佢
Judy Wong:帛金既(嘅)野個人認為自己表示左(咗)心意就夠, 無雖(毋須)理會別人做幾多,講番出黎(嚟)又有咩意思呢?
Timothy Lee:人情有公價 帛金都有公價?
按這裡查看帛金信封格式和寫法。